Милко се парче жива историја на независната музичка сцена, јасен генерациски конектор меѓу македонскиот нов бран од првата декада на векот и она што денес е нов музички моментум.
Притоа, особено возбудува силната потреба од одржување континуитет на една прекрасна музичка приказна - да се остане жив во неа, да се затворат двете раце околу едно кандилце во временскиот виор. А, го имаше годиниве.
На секој ќош и улица, и дома и во болница, купишта лични предизвици, сите радости и загуби од кои е составен животниот мозаик. Да се помине низ сето тоа без да исчезнат животните сокови, да се задржи страста и смисолот на пишување нова музика, е триумф на едно постоење и дар за сите нас.
Во нивниот каталог стои дека досега потпишале три албумски и исто толку ЕР изданија. Сега, некој ќе рече дека е тоа премалку за осумнаесет години постоење, но можеби токму студиозниот пристап во создавањето и slow cook менталитетот на оваа исклучително скромна екипа им донесоа долговечност и уште поважно - музичка релевантност низ времето. Тоа е јасно воочливо и при преслушувањето на нивното најново издание - Последен ден ЕР.
Всушност, се работи за колекција од четири сингла што овој бенд ги реализира во последните година и пол за Шарла Рекордс, означувајќи го враќањето на сцена по извесно време пауза. Нови песни и значајно освежен звук збогатен со присуството на две млади и талентирани музички дами - Хана Корнети (ќе го отвори настанот со својот соло настап) и Јоана Ристеска, се главните карактеристики на ова издание.
Полетно и искрено, со силен авторски печат во можеби едно од нивните најзрели остварувања со кое Милко го потврдуваат својот статус на музичката сцена овде.
Како специјален музички гостин на настанот ќе се појави и почитуваниот Нинослав Спировски(саксофон/кларинет), афирмиран музичар на скопската алтернативна џез сцена и пријател на бендот.
Ова е секако совршен повод за повторна средба во живо. Промотивниот концерт ќе се случи во клубот Ѕе во ГТЦ на 7 март, и на него, покрај материјалот од ова ЕР ќе бидат отсвирени и постари ствари - вистински скопски инди евергрини.
Пролетта е на дофат, почитувани, а со неа и сите музички радости што Милко сѐ уште можат великодушно да ни ги подарат. И тоа како. Се гледаме.
Влез: 200 денари.
Milko are a piece of living history of the independent music scene, a clear generational connector between the Macedonian new wave of the first decade of the century and what is today a new musical momentum.
What is particularly exciting is the strong need to maintain the continuity of a beautiful musical story — to remain alive within it, to close both hands around a small candle in the whirlwind of time. And they have had it all these years.
At every corner and street, at home and in the hospital, heaps of personal challenges, all the joys and losses that make up life’s mosaic. To go through all of this without losing life’s vital energy, to preserve the passion and meaning of writing new music, is a triumph of existence and a gift to all of us.
Their catalogue states that they have so far released three full-length albums and the same number of EPs. Now, some may say that this is too little for eighteen years of existence, but perhaps it is precisely the meticulous approach to creation and the slow-cook mentality of this exceptionally modest group that have brought them longevity and, more importantly, musical relevance over time. This is clearly noticeable when listening to their latest release — Posleden Den EP.
In fact, this is a collection of four singles that the band released over the past year and a half for Sharla Records, marking their return to the scene after a period of hiatus. New songs and a significantly refreshed sound, enriched by the presence of two young and talented female musicians — Hana Korneti (who will open the event with her solo performance) and Joana Risteska — are the main characteristics of this release.
Uplifting and sincere, with a strong authorial signature, it may be one of their most mature achievements, through which Milko confirm their status on the local music scene.
As a special musical guest at the event, the respected Ninoslav Spirovski (saxophone/clarinet) will also appear — an established musician of the Skopje alternative jazz scene and a friend of the band.
This is certainly a perfect occasion for another live gathering. The promotional concert will take place at Club Dze in GTC on March 7, where, alongside material from this EP, older tracks will also be performed — true Skopje indie evergreens.
Spring is within reach, dear friends, and with it all the musical joys that Milko can still generously offer us. Very much so. See you there.
Entrance: 200 denars.